«НЗМ» ДББҰ Педагогикалық шеберлік орталығы филиалының әдістемелік орталығы және Жетекші мектептердің «Орал көшбасшылары» желілік қоғамдастығы республикалық «Білімді ел – образованная страна» білім беру қоғамдық - саяси  газетінің ақпараттық қолдауымен «Зерттеулер калейдоскопы» аймақтық фестивалінің ашылатындығын  хабарлайды.

Педагогикалық шеберлік орталығының  I, II, III деңгей бағдарламалары және Педагогикалық қоғамдастықтағы мұғалім  көшбасшылығы», «Мұғалімнің мектептегі көшбасшылығы» және «Тиімді оқыту» бағдарламалары бойынша оқытылған және сертификатталған жалпы білім беретін мектеп  мұғалімдерін, «Сабақты зерттеу» курсы бойынша  оқытылған мектеп тренерлерін  фестивальге қатысуға шақырамыз.

Фестивальдің мақсаты орта білім беру мазмұнын жаңартуды  жүзеге асыру жағдайында мектеп мұғалімдерінің жаңа тәжірибесін дамытудың болашағы мен  проблемаларын  кәсіби талдауды өзектілендіру  және белсендіру болып табылады. 

Материалдар 2019 жылдың 10 ақпанынан 10 наурызына дейін қабылданады. Өткізу түрі – сырттай. «Зерттеулер калейдоскопы» фестиваліне қатысу шарттарымен Жетекші мектептердің «Орал көшбасшылары» желілік қауымдастығының http://lideruralska.ucoz.ru сайтында толығырақ танысуға болады.