«Тәжірибедегі рефлексия» бағдарламасы бойынша мектеп тренерінің

зерттеу жұмысы

І Кіріспе

         XXI-ші ғасырда әлемдік білім беру жүйесінің дамуындағы негізгі басымдықтарының бірі - мектеп білімін жаңарту. Ол оқушылардың неғұрлым өз бетінше білім алып, оны іс-жүзінде қолдана алу қажеттілігін тәрбиелеуге бағытталған. Оқытудың жаңа тәсілдерін қолданудағы негізгі мақсат- оқушылардың қызығушылық  ынтасын дамыту, өз бетімен жұмыстарын жүргізу арқылы білімдерін жетілдіру, ақпараттық бағдарлау біліктілігін қалыптастыру және сыни тұрғыдан ойлау қабілетін арттыру арқылы жеке тұлғаны қалыптастыру. Сындарлы оқытудың мақсаты – оқушының пәнді терең түсіну қабілетін дамыту, алған білімдерін сыныптан тыс жерде, кез келген жағдайда тиімді пайдалана білуін қамтамасыз ету.

ХХІ - ғасыр – білім  ғасыры.  Елбасы Н. Ә. Назарбаев айтқандай, «Өзін-өзі дамыта алатын, шығармашылық белсенділігі жоғары, бәсекеге қабілетті ұрпақ тәрбиелеу - мектеп мұғалімдеріне жүктелер міндеттің салмағын көрсетеді.» Қоғамда болып жатқан қарқынды өзгерістер мұғалімдерден кәсіби білімінде жаңашылдықты талап етеді. Әрбір мұғалім өзінің ізденісі арқылы барлық жаңалықтар мен өзгерістерге, тәжірибелерге жаңаша қарым-қатынасқа дайын болуы қажет.